Plano ka pa lang ang ganda mo na.
Pano pa kaya kung nangyari ka pa.
Ikaw ang isa sa mga magiging dahilan
Bakit ako magpupursigi makarating sa Kaharian.
Ang alaala mo ay magpapaalala sa akin na kahit di ka pa sinilang, minsan pa ako'y naging ina. Na kahit sa limang linggo lang na nasa sinapupunan, nakaukit ka na sa puso ko at isipan. Hanggang ako ay malagutan at sa Paraiso ako sana ay mapagbigyan na makilala ka at baka pwede kang mahagkan kahit na kelan ni hindi kita nasilayan malalaman kong ikaw yan.
Hindi ko man alam kung ikaw ay babae o lalake o kagaya ng kuya mong maputi o baka kagaya ka ng isa mong kapatid na laging nakangiti. Maraming tanong at mga sana pero ang pagasa ko ay ang Dios ang nakakakita ng pinakamabuti sa mga lingkod Niya at ito ang pinakamabuti para satin, yan ang aking pananampalataya.
